Witom wos pszociele naszyj godki. Trocha wom połosprawjom..ło – Godach – inkszy Śwjynta, toć przeca kej wom yino maluśko tylicka połosprawjom, tus-z śe potyn zawjela niy gourszcie, a niy nerwujcie, kej ta tylicka bydzie dycko srogo, a wjerza duugo. Joch zwyk zowdy litanijo naszryftać, szkryflać, szrajbnonć a pisać. Musi niykej to być podug mje akuratny łosprawunek..pra. Szłoby geszichtom abo historyj-k-om, pisunkym mjanować, jako ftory kce a kiery woli, spjyrać śe sam niybyda a swady niy szukom boch za stary. Yjnoch wele tego łosprawunku sam po prowdzie frechownie łostana, kierymu swos abo ftorymu niy pasuje niych mje bajsnie we kant….. Łosprawunek i szlus, bydzie ło Godach a Wiliji. Dyć przeca ja, kejbyinacyj na Wilijo kupujymy kupa prezyntow, mocka geszynkow a taśia vol bombonow, a roztomajtych duperelow co żodyn pjeron niy tyla niysmorze pra. Pojakymu ło Wiliji szryftom, a potakymu u mje aji wjynkszosci swos Wilijo je tyn cos, kaj moga jo bynajmi polekuśku, sharowaniym ślyś na lus, rukcug, dockomy śe, chnet tyj pjyknyj Wiliji, poleku wkludzom śe we tyn Wilyjny sztimung, nastroj, atmosfera, tyn blank fajny czar magii. Wilijo zbliżo zowdy kożdego ku sia, kupluje cuzamyn do kupy, we tyn pjyknisty cos, a we tyn Godny, śwjynty cos, momy śe yino dycko pszoć, pogodzić, niywadzić, reszpektować, niych kożdy swos znońdzie śe malućko, kapka, ćutka chynci, ćutecka casu, do bajtli, dziecek, synka, cery, dziołchy, baby, chopa, omy, opy, starzikow, kuzynow, brata, siory. Za łoknym zima, robi śe wartko ćma na placu, w doma śe hajcuje, wjerza kożdy rod siedzi we hicy a śe atmosferom godow degustuje, poleku nasze dycko coluśke smogania, ze caluśkego roka, dowajom radoś, jusaś my som radzi kej śe nom kajjaki plan udo, ukłodo pra. Kinedzi zrychtować jako szpajza, a se pomaszkycić kożdy swos poradzi yino we Gody je tyn pocieszny maszkyt czaru a wońo pokoj ducha. Dejcie se pozur na sia, zys dychać tsza umjeć coby śe swojom rynkom niy zakatrupić. Ja to niyma śmjyszne cowjek tys dychać musi. Niy udowejcie pijyndzy za wjela, lepi dejcie komuś grosza we geszynku nisz – eli duperele kupować co potyn zouwizou ftoś na hasiok wyciepnie. Grosz śe kożdymu zdo, a przido pra.. Hofcie śe zdrowo, a dejcie se pozur na utopka i spamjyntejcie se jedno… Gody som łod zgody, żodyn niyma perfekt, żodyn niy je idealny, kożdy mo małe ipi, a kajś mu kańś cośik skrzipi, je sztuka umjeć wybocyć, a dać nowo idea szfungu na bez rok. Dychejcie se po leku a chowcie zdrowo. Pociesznych godow…
Zdjęcia: Skansen Wsi Opolskiej, Muzeum w Gliwicach, Muzeum Górnośląskie