Ida deptakym. Mamlas-z-a śe, łosglondom na prawo aji lewo. Blyscom dekoracyje, szklom śe kugle śwjycidełka na krancach, śwjycki śwjycom na krisbaułmach, chojineckach. Wzionech a zrobjyołech se trocha paułzy łod robty. Niuchom isz jakosi fajnie hań kajś wonio na grill. Drepca poleku ku łonyj woni, dzwjyrza szukom. Wros drap łozewarły śe szklone elemynty. Wlozłech rajn do marketu. Widza kura s gryla na łonym fachu. We bebechu mi bluko a wyrcy i burcy. Kupja śe ptoka. A mocie wjedziec -śwjyrzego s gryla, wele ptoka leżom kartofelki podbronocone, ku tymu se je wezna, pomaszkyca po swojymu, dołoza piwa. Jedno domje a drugo do tego karlusa co wele marketu siedzi przi dzwjyrzach po fechcie. Ja wjerza alkoholik, abo uzalyżniony łod rozmajtych łonych. Dowom mu te piwo. Te ślypja mu śe szklom, gymba raduje. Mos karlus. Zacli my łosprawjać. Jako ci sam idzie na tym zimnie, pytom? Podo bes dziyń idzie sztszimać, gorzi na wjecour, abo bes noc podo. Pojakymu śe pytom? Ja niyma kaj spać, tsza śe za dnia wpisać na lista coby potyn kole 22 we tym łonym śe zameldować. Yj-ino niykej je vol i niyma placu, tuosz zdo mi śe kejniykej pod murym abo mostym na placu dzymać, fest piździ nic niy zrobis – pado. Winszuja chopu dobrego dnia. Dreptom poleku na bałsztela deptakym nazot. Przirychtowołech 1 ojro, boch widzioł po drodze klynconco po fechcie frela – modo babka kole 30 pora lot szacują. Wciepłech klepoka do koszycka. Mersi, merci, mi pado. Wywoniała mi ta kura ze tasie. Pokazuje mi rynkoma, je głodno. Bardzo by mje prośiyła ło cośik do zjedzynio. Byłech trocha zmjyszany – godom sekunda. Poszukołech ławka. Rozłożyłech ta moja epa. Wyciong sech tego ptoka, łoderwołech kitka, wraźiyołech do tytki łodsułech pora kartofelkow. Dołech freli we tytce do rynki. Wejrzała na mje uradowano. Dzinkuje mi po swojymu. Leci dysc. Patszi na mje. Pokazuje na wjyrch ku niebu, gestykuluje. Niych ci Ponbocek wynagrodzi. Chyciołch luftu, gupjech śe pocuł. Baba bóła fest roda a joch se pedzioł – łobejsz jak ludkom idzie naprowdy licho. Poszłech na bausztella dali robić. Robjyłech sam trocha bo dugo, i durch Ponbockowi po swojymu dzynkowoł, zate dobro co mi zowdy dowo. Dej – bydzie a baje ci dane, winszuj – bydzie a baje ci winszowane. Pra… Pozdrowjom
![](https://ocal.historialubliniec.slask.pl/wp-content/uploads/2024/07/dzienkuj20245.jpg)