Czy ktoś z Państwa był kiedykolwiek na Jurnej Górze? Jeśli nie, to może właśnie teraz. Można to zrobić na dwa sposoby. Rowerem, chociażby prosto z Waszej miejscowości albo też pieszo z leśnego parkingu obok stuletniego krzyża przy drodze z Piasku do Miasteczka Śląskiego. Ten drugi sposób to około 30 minut spaceru leśnym duktem (ok. 2,2 km).
Rowerem, leśnym duktem w drodze na „Jurno Góra”
Niyktórzy, co tam wkoło miyszkajom na Jurno Góra godajom Gerlach. Wziyno sie to stond, co jest tam pochowany nadfeśter (nadleśniczy) Louis Gerlach, kiery downiyj robioł we lesie u Donnersmarcków ze Neudeck (Świerklańca). Umar 3 lipca 1918 roku, a jego życzyniym boło, coby go pochować we jego ukochanym miejscu – lesie. Musioł być fest dobrym feśtrym, ale tyż genał szanowanym i lubianym bez wielu chopym, co jego życzynie spełniyli jego kamraty.
Jak tyż szkryfo (pisze) miłośnik tutejszych lasów i lokalnej historii Czesław Tyrol ostoł łon pochowany sam na Jurnyj Gorze, a do trumny pono wraziyli mu tyż (złożono do trumny) giwera myśliwsko, blank srogi nóż, niy żodyn pitlok ino taki fest, co kożdy myśliwy mo zowdy za pasym, lornetka i naboje…
Jak się to trefiyło (stało), co tyn grób łod 107 roków je taki szykowny (zadbany), we samym środku lasa? Możno tyż bez to, co prócz pamiynci inkszych feśtrów, co go nowet niy znali, dbajom i zaglondajom tu tyż fojermany (strażacy).
A to bez to, co Louis Gerlach boł tyż założycielym Ochotniczyj Straży Pożarnyj we Żyglinku we 1908 roku. Jak go spominajom ludzie w 20 rocznica śmierci mogecie tyż poczytać na pamiontkowyj tabule ustwaionyj kole grobu prziwalonego srogim kamolym.
Ze tym kamolym i samym feśtrym Gerlachym jes tyż fest ciekawo historia. Zaprzyng koni, co to ciongły trumna ze ciałym, co rusz stowały dymba i niy kciały ciś dalyj (iść dalej), bo boło pod góra i we fest piochu.
Sam wiync śtopli, wykopali doł, złozyli trumna i przywalyli głazym. Wkoło ustowino poroża jelyni. Te łostanie wtoś nieskoro potym buchnoł (padły łupem złodziei:)). Tyż bez to czasym dziejom się tu dziwne rzecy. Nogle zrywo się fest wiater, a i ludzie się tu tracom (gubią), choć tyn las znajom łod bajtla.
Jes tyż jeszcze inkszo legynda. Pownoś, jak wspomino krewny feśtra – pan Ludwik Siwiec, po szychcie zajmowoł się on tyż cornom magiom. Luis Gerlach bez to przykozoł służonyj we jego chałpie, coby nie wlazowała do jednyj izby. Łona jednak tego nie szczimała i jednago razu sam wlazła. Gerlach jak wloz do chałpy po szychcie, to się zaroz kapnył, co wtoś tam sznupoł. Dyż to ino służonco miała klucz do dzwiyrzy. Trocha się znerwowoł i kozoł jyj nikomu o tym niy godać. Co łona tam łoboczyła? Pownoś mało corno trumiynka ze któryj słychać boło jakieś jynki i syczynie. Ale to ino ponoć, bołona nikomu tego nie pedziała…
